மாத்தறையில் அடுத்தடுத்து விபத்துக்கள் - பேருந்துகள் மோதிய இடத்தில் வேனும் விபத்துக்குள்ளானது!​

மாத்தறை, தலல்ல - பெலிவத்த பகுதியில் இன்று (26.6.2026) காலை இரண்டு பேருந்துகள் மோதி விபத்துக்குள்ளான இடத்திற்கு அருகிலேயே, மற்றுமொரு வேன் விபத்தொன்று பதிவாகியுள்ளது.

​கட்டுப்பாட்டை இழந்த வேன் ஒன்று வீதியை விட்டு விலகி, அருகில் இருந்த மின்சாரக் கம்பத்தில் மோதி இந்த விபத்து சம்பவித்துள்ளது. 

வேனின் அதிவேகம் அல்லது ஓட்டுநரின் கவனக்குறைவே விபத்திற்குக் காரணம் என முதற்கட்ட விசாரணைகளில் தெரியவந்துள்ளது.

​இந்த விபத்தில் சிக்கியவர்கள் வென்னப்புவை பகுதியைச் சேர்ந்த ஒரு குழுவினர் என அடையாளம் காணப்பட்டுள்ளனர். 

விபத்து தொடர்பான மேலதிக விசாரணைகளை உள்ளூர் பொலிஸார் மேற்கொண்டு வருகின்றனர்.