மட்டக்களப்பின் வரலாற்றுச் சிறப்புமிக்க கொக்கட்டிச்சோலை அருள்மிகு ஸ்ரீ தான்தோன்றீஸ்வரர் ஆலயத்தில் ஏர் பூட்டு விழா இன்று (29.09.2026) ஆம் திகதி மிகவும் சிறப்பாக நடைபெற்றது.
தமிழர்களின் பாரம்பரியம், விவசாயப் பெருமை மற்றும் இறை நம்பிக்கை ஆகியவற்றை ஒன்றிணைக்கும் முக்கிய நிகழ்வாக இந்த ஏர் பூட்டு விழா ஆண்டுதோறும் கடைப்பிடிக்கப்பட்டு வருகிறது.
இன்றைய நன்னாளில் ஆலயத்தில் சிறப்பு வழிபாடுகள் மற்றும் பூஜைகள் நடத்தப்பட்டு, பாரம்பரிய முறைப்படி மாடுகள் பூட்டப்பட்டு ஏர் உழும் நிகழ்வு பக்தர்களின் அரோகரா கோஷத்திற்கு மத்தியில் ஆரம்பித்து வைக்கப்பட்டது.
சுற்றுவட்டாரப் பகுதிகளைச் சேர்ந்த ஏராளமான விவசாயிகளும், பக்தர்களும் இந்த நிகழ்வில் கலந்துகொண்டு தான்தோன்றீஸ்வர பெருமானின் அருளைப் பெற்றனர்.
புதிய விவசாய ஆண்டின் தொடக்கமாகக் கருதப்படும் இந்நிகழ்வு மூலம், விவசாயம் செழித்து நாடு சுபிட்சம் பெற இறைவனைப் பிரார்த்தித்ததாகப் பங்கேற்ற பக்தர்கள் தெரிவித்தனர்.