இரு நாடுகளுக்கு பெண்களின் விசாக்கள் நிறுத்தம்!

பயிற்சி பெறாத மற்றும் உள்நாட்டு வேலைக்காக தனியார் வீசாவைப் பெறும் பெண்களின் பதிவு தற்காலிகமாக நிறுத்தப்பட்டுள்ளதாக தெரிவிக்கப்பட்டுள்ளது.

அதற்கமைய, ஐக்கிய அரபு எமிரேட்ஸ் மற்றும் ஓமானுக்கு வீட்டு வேலைக்காக தனியார் விசாவில் செல்லும் பெண்களின் பதிவே இவ்வாறு தற்காலிகமாக நிறுத்தப்பட்டுள்ளது.

இது தொடர்பான தீர்மானத்தை வெளிநாட்டு வேலைவாய்ப்பு பணியகம் எடுத்துள்ளதாகவும் கூறப்படுகின்றது.

அதேவேளை ஓமானுக்கு பணிப்பெண்களாக வேலைக்கு செல்லும் பெண்கள் அங்கு விபச்சாரத்திற்கு விற்கப்படுவதாக வெளியான தகவல் பெரும் சர்ச்சையை ஏற்படுத்தியுள்ளமை குறிப்பிடத்தக்கது.