கொழும்பில் ஆர்ப்பாட்டம் நடத்திய போது, இலங்கை ஆசிரியர் சங்க பொதுச் செயலாளர் ஜோசப் ஸ்டாலின் உள்ளிட்டவர்கள் கைது செய்யப்பட்டு, பிணையில் விடுதலை செய்யப்பட்ட பின்னர், கேப்பாபிலவில் தனிமைப்படுத்தப்பட்டுள்ளனர்.
அவர்களது முறையற்ற தனிமைப்படுத்தல் செயற்பாடுகளை கண்டித்து, முல்லைத்தீவு நகரம் மற்றும் கேப்பாபுலவு விமானப்படை தளத்திற்கு முன்னால், இன்று(15) ஆர்ப்பாட்டங்கள் நடைபெறவுள்ளதாக, பொலிசாருக்கு கிடைத்த இரகசிய தகவலை அடுத்து, பாதுகாப்பு பலப்படுத்தப்பட்டுள்ளது.
முல்லைத்தீவு நகர் மற்றும் கேப்பாபுலவு விமானப் படை முகாம் உள்ளிட்ட பகுதிகளில், பாதுகாப்பு பலப்படுத்தப்பட்டுள்ளதுடன், கேப்பாபிலவு விமானப் படை தளத்திற்கு முன்னால், பொலிசார் விமானப் படையினர், இராணுவத்தினர் குவிக்கப்பட்டு கண்காணிப்பும் பாதுகாப்பும் தீவிரப்படுத்தப்பட்டுள்ளது.
இந்த நிலையில், பி.சி.ஆர் பரிசோதனை முன்னெடுப்பதற்கான தயார் நடவடிக்கைகளையும், படையினர் முன்னெடுத்துள்ளனர்.
