பொலிஸ் தலைமையகத்திலிருந்து ஊடகங்களுக்கு இன்று வெளியிட்டுள்ள காணொளிப்பதிவிலேயே அவர் இதனைத் தெரிவித்தார்.
சாரதிகளுக்கான நன்நடத்தை புள்ளிகளை வழக்கும் நடைமுறையை செயற்படுத்துவதற்காக சட்டம் மற்றும் தரவு கட்டமைப்பு ஒன்று உள்ளதாகவும், அதற்காக அடிப்படை வசதிகளை அபிவிருத்தி செய்வதற்கு தற்போது நடவடிக்கை எடுத்துள்ளதாக அவர் குறிப்பிட்டார்.
இதனிடையே, வீதிகளில் சாரதிகளுக்கு இடையூறு விளைவிக்கும் வகையில் மேற்கொள்ளப்படும் யாசகங்களை நிறுத்துவதற்கும் நடவடிக்கை எடுத்துள்ளதாக சிரேஸ்ட பிரதிபொலிஸ் மாஅதிபர் அஜித் ரோஹன தெரிவித்தார்.
அதேவேளை, நாளாந்தம் இடம்பெறும் விபத்துக்களில் பெரும்பாலும் மோட்டார் சைக்கிள், முச்சக்கரவண்டி மற்றும் பாதசாரிகளே உயிரிழப்பதாக அவர் சுட்டிக்காட்டினார்.
இதன் நிமித்தமே சாரதிகளின் நன்நடத்தை புள்ளிகளை வழங்குவதற்கு தீர்மானிக்கப்பட்டுள்ளது.
வெளிநாடுகளில் இந்த முறைகளை பயன்படுத்தவதன் ஊடாக சிறந்த பிரதிபலன் கிடைத்துள்ளது.
இது தவிர, வீதிகளின் குற்றமிழைக்கும் சாரதிகள் மற்றும் ஏனைய தரப்பினரை நவீன தொழினுட்பங்களின் ஊடாக கண்காணித்து உரிய அபராதங்களை விதிப்பதற்கும் நடவடிக்கை எடுக்கப்பட்டுள்ளது.
கண்காணிப்பு கமராக்களையும், சென்சர்களையும் பயன்படுத்தி இந்த நடவடிக்கை முன்னெடுக்கப்படவுள்ளது.
இலங்கை பொலிஸ் திணைக்களமும், மோட்டார் வாகன போக்குவரத்து ஆணையாளர் காரியாலயமும், போக்குவரத்து அமைச்சும் ஒன்றிணைந்து வீதிப் போக்குவரத்து விதிமுறைகளை தீவிரப்படுத்த நடவடிக்கை எடுத்துள்ளன.