நுவரெலியா நானுஓயா பொலிஸ் பிரிவுக்குட்ட நுவரெலியா ஹட்டன் பிரதான வீதியில் ரதல்ல குறுக்கு வீதியில் இன்று(30) காலைஇடம் பெற்ற
விபத்தில் 6 பேர் காயமடைந்துள்ளனர்.
நுவரெலியா பகுதியிலிருந்து தலவாக்கலை பகுதிக்கு சென்று கொண்டிருந்த வாகனம், தலவாக்கலை பகுதியிலிருந்து நுவரெலியா பகுதியை நோக்கி சென்ற வாகனத்துடன் மோதி விபத்துக்குள்ளானது.
இதன்போது கட்டுப்பாட்டை இழந்த விபத்தை ஏற்படுத்திய வாகனம், அருகில் இருந்த மண்மேட்டுடன் மோதி வீதியில் பயணித்த
முச்சக்கரவண்டியுடனும் மோதி குடைசாய்ந்தது.
விபத்தில் வாகனமொன்றில் பயணித்த நால்வரும், முச்சக்கரவண்டியில் பயணித்த இருவரும் காயங்களுக்குள்ளாகியுள்ளனர்.
நுவரெலியா பகுதியிலிருந்து தலவாக்கலை பகுதிக்கு சென்று கொண்டிருந்த வாகனத்தில் ஏற்பட்ட இயந்திர கோளாரே விபத்திற்கான
காரணம் என சந்தேகிப்பதாக பொலிஸார் தெரிவித்துள்ளனர்.
விபத்து தொடர்பிலான மேலதிக விசாரணைகளை நானுஓயா போக்குவரத்து பொலிஸார் மேற்கொண்டு வருகின்றனர்.
