அனுராதபுரம் மாவட்டத்தில் எச்ஐவி தொற்றுக்குள்ளானவர்களின் அதிகரிப்பால் சுகாதார அதிகாரிகள் குழப்பமடைந்துள்ளனர்.
இதேவேளை இறப்பு விகிதம் ஆபத்தான விகிதத்தை எட்டியுள்ளது.
கடந்த ஒன்பது மாதங்களில் 24 எச்ஐவி தொற்றுக்குள்ளானவர்கள் அடையாளம் காணப்பட்டுள்ளதாகவும் அவர்களில் நால்வர் உயிரிழந்துள்ளதாகவும் அனுராதபுரம் பாலியல் சுகாதார சேவைகள் நிலையத்தின் சிரேஷ்ட வைத்திய அதிகாரி வைத்தியர் திருமதி ஹேமா வீரகோன் தெரிவித்துள்ளார்.
கடந்த ஆண்டுகளுடன் ஒப்பிடும் போது மாவட்டத்தில் எச்ஐவி தொற்றுக்குள்ளானவர்களின் எண்ணிக்கை அதிகமாகவுள்ளதாகவும் வைத்தியர் தெரிவித்தார்.
அவர்களில் ஏழு பேர் ஓரினச்சேர்க்கை உறவுகளினால் நோய்க்கு ஆளான ஆண்கள் என வைத்தியர் சுட்டிக்காட்டியுள்ளார்.
முந்தைய ஆண்டை விட இந்த ஆண்டு பதிவான நோயாளிகளின் எண்ணிக்கை 100 சதவீதத்திற்கும் அதிகமாக அதிகரித்துள்ளது.
கடந்த வருடம் இனங்காணப்பட்ட நோயாளர்களின் எண்ணிக்கை 10 ஆக இருந்த நிலையில் இந்த வருடம் அது 24 ஆக அதிகரித்துள்ளது.
இன்னும் அடையாளம் காணப்படாத நோயாளிகள் இருக்கலாம். சுமார் 300 பெண் பாலியல் தொழிலாளர்கள் அவ்வப்போது இரத்த பரிசோதனைக்காக பதிவு செய்துள்ளனர்.
அவர்களில் பெரும்பாலோர் தொலைதூரப் பகுதிகளைச் சேர்ந்தவர்கள். இதற்கிடையில், வெளிநாட்டவர்களில் 25 சதவீதம் பேர் எச்ஐவி வைரஸால் பாதிக்கப்பட்டுள்ளனர் என வைத்தியர் மேலும் தெரிவித்துள்ளார்.
நோயாளிகளுக்கு இரத்தம் செலுத்துவதற்கு முன்னர் மேற்கொள்ளப்பட்ட இரத்த மாதிரிகளை பரிசோதித்ததில் 20 வீதமான இரத்த தானம் செய்பவர்களில் எச்.ஐ.வி தொற்று இருப்பது தெரியவந்துள்ளதாக வைத்திய அதிகாரி மேலும் தெரிவித்தார்.