பிரபல நடிகர் டேனியல் பாலாஜி(48) மாரடைப்பு காரணமாக மருத்துவமனைக்கு அழைத்து செல்லப்பட்ட நிலையில் உயிரிழந்துள்ளார்.
திடீர் மாரடைப்பு காரணமாக நேற்று இரவு அவர் உயிரிழந்துள்ளதாக இந்திய ஊடகங்கள் செய்தி வெளியிட்டுள்ளன.
திரைபடங்கள்
நடிகர் முரளியின் உறவினரான டேனியல் பாலாஜி, 2000ஆம் ஆண்டு ஒளிபரப்பான 'சித்தி' தொடர் மூலம் சின்னத்திரையில் அறிமுகமானார்.
தொடக்கத்தில் சிறு சிறு பாத்திரங்களில் நடித்து வந்தவருக்கு கவுதம் வாசுதேவ் மேனன் இயக்கத்தில், சூர்யா நடிப்பில் வெளிவந்த ‘காக்க காக்க’ படத்தில் ஸ்ரீகாந்த் என்ற காவல்துறை அதிகாரியின் பாத்திரத்தில் நடித்ததன் மூலம் திரை உலகில் மக்களின் கவனத்தை ஈர்த்தார்.
பின்னர் ‘வேட்டையாடு விளையாடு’ படத்தில் வில்லனாக நடித்து மிரட்டினார்.
தொடர்ந்து பொல்லாதவன் (ரவி), வை ராஜா வை, அச்சம் என்பது மடமையடா, பைரவா, வட சென்னை, பிகில் போன்ற படங்களில் நடித்துள்ளார்.
இந்நிலையில், அவரது திடீர் மரணமானது, திரை உலகை சோகத்தில் ஆழ்த்தியுள்ளது.