மட்டக்களப்பு மாவட்டம், ஏறாவூர்ப்பகுதியில் அதிக விலைக்கு அரிசி விற்பனை செய்த வர்த்தகர்கள் சட்டத்தின் பிடியில் சிக்கினர்.
நேற்று (2025.12.19) கீரி பொன்னி (Kiri Ponni) அரிசியை அதிக விலைக்கு விற்ற இரண்டு வர்த்தக நிலையங்களுக்கு ஏறாவூர் நீதவான் நீதிமன்றினால் ரூ. 200,000/- (இரண்டு இலட்சம்) அபராதம் விதிக்கப்பட்டது.
மேலும், கடந்த 2025.12.15ம் திகதியன்று சம்பா (Samba) அரிசியை அதிக விலைக்கு விற்ற மற்றுமொரு வர்த்தகருக்கு ரூ. 100,000/- (ஒரு இலட்சம்) அபராதம் விதிக்கப்பட்டுள்ளது.
நுகர்வோர் விழிப்புணர்வுடன் இருக்குமாறும், நிர்ணயிக்கப்பட்ட விலையை விட அதிக விலைக்கு பொருட்களைக்கொள்வனவு செய்வதைத்தவிர்க்குமாறும் நுகர்வோர் அதிகார சபை வேண்டுகோள் விடுத்துள்ளது.