மட்டக்களப்பில் விபத்து -காத்தான்குடி இளைஞர்கள் இருவர் படுகாயம்.!

​மட்டக்களப்பு, நாவற்குடா பகுதியில் இன்று (15.04.2026)ஆம் திகதி இடம்பெற்ற வீதி விபத்தில் சிக்கி இரு இளைஞர்கள் கவலைக்கிடமான நிலையில் வைத்தியசாலையில் அனுமதிக்கப்பட்டுள்ளனர்.

சம்பவம் பற்றி தெரியவருவதாவது

​
இன்று (15.04.2026) மட்டக்களப்பு நாவற்குடா ஊர்வீதியில் அமைந்துள்ள தேவாலயத்திற்கு அருகாமையில் பயணித்துக்கொண்டிருந்த மோட்டார் சைக்கிள் ஒன்று, கட்டுப்பாட்டை இழந்து அருகில் இருந்த மதில் ஒன்றுடன் பலமாக மோதியுள்ளது.

​இந்த விபத்தில் மோட்டார் சைக்கிளில் பயணித்த காத்தான்குடி பிரதேசத்தைச் சேர்ந்த இரு இளைஞர்கள் பலத்த காயங்களுக்கு உள்ளாகினர். 

விபத்து இடம்பெற்ற இடத்திலிருந்தவர்களால் அவர்கள் இருவரும் உடனடியாக மீட்கப்பட்டு, ஆபத்தான நிலையில் மட்டக்களப்பு போதனா வைத்தியசாலைக்கு கொண்டு செல்லப்பட்டுள்ளனர்.

​விபத்து குறித்த மேலதிக விசாரணைகளை பொலிஸார் மேற்கொண்டு வருகின்றனர்.
புதியது பழையவை