யாழ்ப்பாணம், அரியாலை - புங்கன்குளம் பகுதியில் அமைந்துள்ள புகையிரதக் கடவையில் இன்று (23.09.2026) ஆம் திகதி இடம்பெற்ற கொடூர விபத்தில் தந்தை சம்பவ இடத்திலேயே பரிதாபமாக உயிரிழந்ததுடன், அவரது மகள் படுகாயமடைந்துள்ளார்.
பாடசாலையிலிருந்து தனது மகளை மோட்டார் சைக்கிளில் ஏற்றிக்கொண்டு வீடு திரும்பிக் கொண்டிருந்தபோதே, எதிர்பாராதவிதமாக அவ்வழியாக வந்த ரயிலுடன் மோட்டார் சைக்கிள் மோதி இந்த விபத்து நேர்ந்துள்ளது.
இவ்விபத்தில் படுகாயமடைந்த பாடசாலை மாணவியான மகள், உடனடியாக மீட்கப்பட்டு சிகிச்சைக்காக வைத்தியசாலையில் அனுமதிக்கப்பட்டுள்ளார்.
இச்சம்பவம் குறித்து மேலதிக விசாரணைகளை பொலிஸார் தீவிரமாக மேற்கொண்டு வருகின்றனர்.
