நேபாளத்தில் தனியார் விமான நிறுவனத்தால் இயக்கப்படும் சிறிய பயணிகள் விமானம் ஒன்று வெளிநாட்டினர் உட்பட 22 பேருடன் இன்று காணாமல் போனதாக அந்நாட்டு அரச தொலைக்காட்சி தெரிவித்துள்ளது.
உள்ளூர் நேரப்படி காலை 9:55 மணிக்கு புறப்பட்ட விமானம் சிறிது நேரத்திலேயே தொடர்பை இழந்தது.
தலைநகர் காத்மாண்டுவில் இருந்து வடமேற்கே, பொக்காரா - ஜோம்சோம் நகர் பகுதியில் விமானம் பறந்து கொண்டிருந்த போது தொடர்பை இழந்தது.
விமானத்தில் 4 இந்தியர்கள், 3 ஜப்பானியர்கள், நேபாள குடிமக்கள் மற்றும் விமான பணியாளர்கள் என 22 பயணிகள் பேர் பயணித்துள்ளதாக அரச தொலைக்காட்சி தெரிவித்துள்ளது.
குறித்த விமானம், முஸ்டாங் மாவட்டத்தில் உள்ள லெட்டின் மலைப் பகுதியில் விபத்துக்குள்ளானதாக சந்தேகிக்கப்படுகிறது.
