இந்த 2023 ஆம் ஆண்டின் ஒரு குறிப்பிட்ட நாளின் போது. மொத்தம் 7 நிமிடங்கள் 32 வினாடிகளுக்கு நாமெல்லாம் "இருளில் மூழ்கலாம்" என்று விஞ்ஞானிகள் கணித்து உள்ளனர்.
இன்னும் சொல்லப்போனால் இந்த சம்பவம் ஒரே ஒரு நாளோடு நின்று விடாது, 2023 ஆம் ஆண்டில் மட்டுமே மொத்தம் 4 முறை நடக்க உள்ளது எனவும் தெரிவித்துள்ளனர்.
அதாவது, 2023 ஆம் ஆண்டில் மொத்தம் 4 கிரகணங்கள் நிகழவுள்ளன. அதில் 2 சூரிய கிரகணங்கள் மற்றும் 2 சந்திர கிரகணங்கள் அடங்குவதாகவும் தெரிவிக்கப்பட்டுள்ளது.
இந்த 4 கிரகணங்களில் முதலாவது சூரிய கிரகணம் தான் நம்மை இருளில் மூழ்கடிக்க போகிறது. ஏனென்றால் அதுவொரு முழு சூரிய கிரகணம் ஆகும். விஞ்ஞானிகளின் கூற்றுப்படி, ஒரு முழு சூரிய கிரகணம் சுமார் 7 நிமிடங்கள் 32 வினாடிகள் நீடிக்கலாம். ஒருவேளை இது அதிகபட்சமாக 12 நிமிடங்கள் மற்றும் 29 வினாடிகள் கூட நீடிக்கலாம்.
2023 ஆம் ஆண்டு தோன்றும் இரண்டு சூரிய கிரகணங்களில், முதலாவது சூரிய கிரகணம் ஏப்ரல் 20 ஆம் திகதி தோன்றும், இதுவொரு முழு சூரிய கிரகணம் ஆகும்.
ஆராய்ச்சியாளர்களின் கணிப்புப்படி, இந்த சூரிய கிரகணம் தெற்கு ஆசியா, கிழக்கு ஆசியா, ஆஸ்திரேலியா, பசிபிக் பெருங்கடல், இந்திய பெருங்கடல் மற்றும் அண்டார்டிக்காவில் உள்ளவர்களால் பார்க்க முடியும்.
மேலும் இரண்டாவது சூரிய கிரகணம் ஒக்டோபர் 14 ஆம் திகதி தோன்றும். இதுவொரு அனுலார் சோலார் எக்லிப்ஸ் (Annular solar eclipse), அதாவது இந்த சூரிய கிரகணம், ஒரு மோதிர வடிவிலான சூரிய கிரகணமாக தோன்றும்.
ஆராய்ச்சியாளர்களின் கணிப்புகளின்படி, இந்த சூரிய கிரகணம் வடக்கு, மத்திய மற்றும் தென் அமெரிக்காவை கடக்கும் மற்றும் இது அமெரிக்கா, மெக்ஸிகோ மற்றும் தெற்கு மற்றும் மத்திய அமெரிக்காவில் உள்ளவர்களுக்கு தெளிவாக தெரியும், அதுமட்டுமின்றி, மேற்கு அரைக்கோளத்தில் உள்ள மில்லியன் கணக்கான மக்களால் கூட இந்த கிரகணத்தை பார்க்க முடியும் என்று நாசா தெரிவித்துள்ளது.
சூரிய கிரகணத்தை போலவே 2 சந்திர கிரகணங்களும் நிகழவுள்ளன. அமெரிக்க விண்வெளி ஆராய்ச்சி மையமான நாசாவின் தகவலின்படி, இந்த ஆண்டின் முதல் சந்திர கிரகணம் ஒரு பெனும்பிரல் லூனார் எக்லிப்ஸ் (Penumbral Lunar Eclipse) ஆக இருக்கும்.
இது மே 5, 2023 அன்று தோன்றும். இந்த பெனும்பிரல் சந்திர கிரகணம் ஆப்பிரிக்கா, ஆசியா, ஆஸ்திரேலியாவில் உள்ளவர்களுக்கு மட்டுமே தெரியும்.
இரண்டாவது சந்திர கிரகணம் பார்ஷியல் லூனார் எக்லிப்ஸ் (Partial Lunar Eclipse) ஆக இருக்கும், இது ஒக்டோபர் 28, 2023 அன்று நிகழும். இந்த பார்ஷியல் லூனார் எக்லிப்ஸ் வட அமெரிக்கா, தென் அமெரிக்கா, ஐரோப்பா, ஆப்பிரிக்கா, ஆசியா, ஆஸ்திரேலியா போன்ற நாடுகளில் உள்ளவர்களால் பார்க்க முடியும்.
கிரகணத்தின் போது சூரியனையும், சந்திரனையும் நேரடியாக பார்ப்பது பாதுகாப்பானது அல்ல. குறிப்பாக வெறும் கண்களால் கிரகணத்தை பார்ப்பது கண்களுக்கு நிரந்தர சேதத்தை ஏற்படுத்த கூடும்.
எனவே கிரகணத்தை பார்ப்பதற்காக வடிவமைக்கப்பட்ட சிறப்பு கண்ணாடிகள் அல்லது தொலைநோக்கிகள் வழியாக மட்டுமே கிரகணங்களை பார்க்க வேண்டும்.
அமெரிக்க விண்வெளி ஆராய்ச்சி மையமான நாசா உட்பட பல விண்வெளி ஆராய்ச்சி மையங்கள் மற்றும் உலகெங்கிலும் உள்ள அறிவியலாளர்கள் சூரிய மற்றும் சந்திர கிரகணங்களின் நிகழ்நிலை காட்சிகள் மற்றும் காணொளிகளை வழங்குகிறார்கள்.
ஒன்லைன் வழியாக சூரிய மற்றும் சந்திர கிரகணங்களை பார்ப்பது, மிகவும் பாதுகாப்பான ஒரு வழியும் கூட. அதுமட்டுமின்றி, நாம் இருக்கும் இடத்தை, இருக்கும் நாட்டை பொருட்படுத்தாமல் எல்லா வகையான கிரகணங்களையும் ஸ்மார்ட்போன் அல்லது மடிகணனி வழியாக பார்க்க முடியும் எனவும் தெரிவிக்கப்பட்டுள்ளது.