ஆனால் அந்த நீதிமன்ற கட்டளையிலே மிகவும் தவறாக முள்ளிவாய்க்கால் இறுதி யுத்தத்தின் போது தமது பசியை ஆற்றியதோடு மக்களின் உயிர்காத்த கஞ்சியை அந்த நாட்களின் நினைவாகவும் அங்கு உயிர் நீத்த அத்தனை உறவுகளுக்கான நினைவேந்தல் நிகழ்வாகவும் நாம் அனுஷ்டிக்கின்ற முள்ளிவாய்க்கால் நினைவு தினங்கள் அல்லது நினைவு வாரத்தை கொச்சைப்படுத்துகின்ற வகையிலே அது பயங்கரவாதிகளை நினைவு கூருகின்ற தினம் என அதிலே குறிப்பிடப்பட்டிருப்பதோடு நீதிவான் நீதிமன்றம் கல்முனை என்று ஒருவருடைய கையெழுத்தும் அதில் இருக்கிறது ஆனால் எந்த நீதிமன்றத்திற்குமான இறப்பர் முத்திரை அதிலே இல்லை என்பதையும் அவர் ஊடகங்களுக்கு வெளிப்படுத்தியதோடு இந்த தடையுத்தரவிலே
தாமோதரம் பிரதீவன்
புஷ்பராஜ் துஷானந்தன்
விநாயகம் விமலநாதன்
தம்பிராசா செல்வராணி
கிறிஸ்ணபிள்ளை ஜெயசிறில் ஆகியோருக்குமாக இந்த தடையுத்தரவு வழங்கப்பட்டுள்ளது என்பதையும் தெரிவித்திருந்தார்.
,
நேற்றைய தினமும் இவ்வாறு ஒரு சம்பவம் இங்கு நடைபெற்றிருந்ததையும் நினைவுபடுத்துவதோடு அதில் அம்பாரை மாவட்ட வலிந்து காணாமலாக்கப்ப சங்கத் தலைவி தம்பிராசா செல்வராணியை கைதுசெய்ய முயற்சித்திருந்ததோடு சமூக செயற்பாட்டாளர் பு.துஷாநந்தனுக்கு நீதிமன்ற தடையுத்தரவும் வழங்கப்பட்டிருந்தது அதனைத் தொடர்ந்து இவர்களுடன் மனித உரிமை செயற்பாட்டாளர் தாமோதரம் பிரதீவனும் இணைந்து கல்முனை மனித உரிமையத்திற்குச் சென்று முறைப்பாடுகளையும் கையளித்தனர் என்பதும் குறிப்பிடத்தக்கது
அதேபோன்று இன்றைய தினமும் நடைபெற்றிருக்கிறது
இது தொடர்பிலே இன்றைய தினமும் அவர்கள் மனித உரிமையகத்தை நீதிக்காக நாடியிருக்கிறார்கள்.
