"உள்ளங்களில் உள்ள இருள் நீங்கி ஞான ஒளி பிரகாசிக்க வேண்டும்" என்ற பிரார்த்தனையுடன் மகா சிவராத்திரி தினத்தை கொண்டாடும் இந்து மக்களுக்கு ஜனாதிபதி அநுர குமார திசாநாயக்க தனது வாழ்த்துக்களைத் தெரிவித்துள்ளார்.
இது குறித்து அவர் விடுத்துள்ள விசேட செய்தியில் குறிப்பிட்டுள்ள முக்கிய விடயங்கள் வருமாறு...
ஆன்மீக முக்கியத்துவம்
உலகெங்கிலும் உள்ள இந்துக்களால் சிவபெருமான் மற்றும் பார்வதி தேவியின் சங்கமத்தையும், இறைவனின் தாண்டவ நடனத்தையும் நினைவுகூரும் மிக உன்னதமான நாளாக மகா சிவராத்திரி கருதப்படுகிறது. இது வாழ்க்கையின் மற்றும் உலகின் "இருளை வெல்வதை" அடையாளப்படுத்துகிறது.
கருணையும் நேர்மையும் கொண்ட சமூகத்தை உருவாக்குவதில் இத்தகைய மத நிகழ்வுகள் முக்கிய பங்கு வகிக்கின்றன.
அகங்காரத்தை அகற்றி, மன்னிப்பு மற்றும் தாராள மனப்பான்மையுடன் வாழ இத்தினம் நம்மை வழிநடத்துகிறது.
மகா சிவராத்திரியின் ஆன்மீக செய்தி மக்களிடையே சமூக உணர்வை மேலும் வலுப்படுத்தும் என்று ஜனாதிபதி நம்பிக்கை தெரிவித்துள்ளார்.
நாட்டின் மறுமலர்ச்சி குறித்த அழைப்பு
அண்மைக்காலத்தில் நாடு எதிர்கொண்ட இயற்கை மற்றும் பொருளாதார சவால்களில் இருந்து மீண்டெழுந்து, தற்போது ஒரு புதிய மறுமலர்ச்சி சகாப்தத்தை நோக்கி பயணிப்பதாக ஜனாதிபதி குறிப்பிட்டுள்ளார்.
இந்த அரசியல் மற்றும் சமூக மாற்றத்தை உறுதிப்படுத்த, சிவராத்திரி ஒளியுடன் இதயங்களை ஒன்றிணைத்து அனைவரும் ஒன்றிணைய வேண்டும் என அவர் அழைப்பு விடுத்துள்ளார்.
இலங்கை மற்றும் உலகெங்கிலும் வாழும் இந்து மக்களின் நல் எண்ணங்கள் நிறைவேறவும், இந்தத் தினம் அர்த்தமுள்ளதாக அமையவும் தனது மனமார்ந்த பிரார்த்தனைகளை ஜனாதிபதி அநுர குமார திசாநாயக்க இச்செய்தியின் ஊடாகப் பகிர்ந்துள்ளார்.