மட்டக்களப்பு, படுவான் பிரதேசத்தில் சட்டவிரோத மதுபான உற்பத்தியைக் கட்டுப்படுத்தும் நோக்கில் கொக்கட்டிச்சோலை பொலிஸார் முன்னெடுத்து வரும் தொடர் அதிரடி நடவடிக்கைகளின் ஒரு கட்டமாக, இன்று (14.03.2026) பாரியளவிலான கசிப்பு உற்பத்திப் பொருட்கள் கைப்பற்றப்பட்டுள்ளன.
கொக்கட்டிச்சோலை பொலிஸாருக்குக் கிடைத்த இரகசியத் தகவலையடுத்து, இன்று பண்டாரியாவெளி ஆற்றுப் பகுதியில் இயங்கி வந்த கசிப்பு உற்பத்தி நிலையம் ஒன்று அதிரடியாகச் சுற்றி வளைக்கப்பட்டது.
கசிப்பு உற்பத்திக்குத் தயார் நிலையில் வைக்கப்பட்டிருந்த 800,000 மில்லி லீற்றர் (800 லீற்றர்) ‘கோடா’ (Goda).
கசிப்பு வடித்தெடுப்பதற்குப் பயன்படுத்தப்படும் 04 செப்புச் சுருள்கள் (Copper Coils) என்பன பொலிஸாரால் கைப்பற்றப்பட்டுள்ளன.
இந்த வாரத் தொடக்கத்தில், மண்முனை ஆற்றை அண்டிய தீவுப் பகுதியில் கசிப்பு உற்பத்தியில் ஈடுபட்ட இருவர் கைது செய்யப்பட்டதோடு, பெருமளவிலான கசிப்பு மற்றும் உபகரணங்களும் மீட்கப்பட்டிருந்தன. அதனைத் தொடர்ந்து இன்றைய தினமும் இந்த பாரிய சுற்றிவளைப்பு இடம்பெற்றுள்ளது.
படுவான் பிரதேசத்தில் போதைப்பொருள் பாவனையை முற்றாக ஒழிக்கும் நோக்கில் கொக்கட்டிச்சோலை பொலிஸார் மேற்கொண்டு வரும் இந்தத் தீவிரமான சட்ட நடவடிக்கைகளை அப்பகுதி பொதுமக்கள் வெகுவாகப் பாராட்டி வருகின்றனர்.