அம்பாறை மாவட்டம் பொத்துவில் பகுதியில் இன்று (05.06.2026) வெள்ளிக்கிழமை இடம்பெற்ற விபத்தில் 9 வயதுடைய பாடசாலை மாணவன் ஒருவர் பரிதாபகரமாக உயிரிழந்துள்ளார்.
பொத்துவில் பசரிச்சேனை ஜும்ஆ பள்ளிவாயலுக்கு முன்பாக இந்த விபத்து சம்பவித்துள்ளது.
இன்று வெள்ளிக்கிழமை ஜும்ஆ தொழுகைக்காக பள்ளிவாசலுக்குச் சென்ற அறூஸ் ஹமூத் எனும் 9 வயதுடைய மாணவனே இவ்வாறு மோட்டார் சைக்கிள் மோதி விபத்துக்குள்ளாகியுள்ளார்.
விபத்தைத் தொடர்ந்து பலத்த காயமடைந்த மாணவன் உடனடியாக பொத்துவில் வைத்தியசாலைக்குக் கொண்டு செல்லப்பட்ட போதிலும், அங்கு அவர் சிகிச்சை பலனின்றி மரணமடைந்துள்ளார்.
உயிரிழந்த சிறுவனின் ஜனாஸா தற்போது பொத்துவில் ஆதார வைத்தியசாலையில் வைக்கப்பட்டுள்ளது.
இச்சம்பவம் குறித்து பொத்துவில் பொலிஸார் மேலதிக விசாரணைகளை மேற்கொண்டு வருகின்றனர்.