மட்டக்களப்பு போதனா வைத்தியசாலையின் பதில் பணிப்பாளராக, மட்டக்களப்பு பிராந்திய சுகாதார சேவைகள் பணிப்பாளர் வைத்திய கலாநிதி இரா. முரளீஸ்வரன் அவர்கள் இன்று (01.07.2026)ஆம் திகதி காலை தனது கடமைகளைப் பொறுப்பேற்றுக்கொண்டார்.
இங்கு பணிப்பாளராகக் கடமையாற்றி வந்த டாக்டர் கலாரஞ்சனி அவர்கள் ஓய்வுபெற்றதைத் தொடர்ந்து, வைத்தியசாலையின் நிர்வாகக் கட்டமைப்பைத் தடையின்றி முன்னெடுப்பதற்கான இடைக்கால ஏற்பாடாக இந்த நியமனம் வழங்கப்பட்டுள்ளது.
கிழக்கு மாகாணத்தின் மிக முக்கிய சிகிச்சை நிலையங்களில் ஒன்றாக விளங்கும் மட்டக்களப்பு போதனா வைத்தியசாலை, தினசரி பல்லாயிரக்கணக்கான நோயாளிகளுக்கு அத்தியாவசிய மருத்துவச் சேவைகளை வழங்கி வருகிறது.
இதன் காரணமாக, வைத்தியசாலையின் அன்றாட நிர்வாகப் பொறுப்புகளை இடைக்கால அடிப்படையில் வைத்திய கலாநிதி இரா. முரளீஸ்வரன் அவர்கள் முன்னெடுக்கவுள்ளார்.
இதேவேளை, குறித்த பணிப்பாளர் வெற்றிடத்திற்கு சுகாதார அமைச்சினால் மிக விரைவில் நிரந்தரப் பணிப்பாளர் ஒருவர் நியமிக்கப்படுவார் எனவும் தெரிவிக்கப்பட்டுள்ளது.
புதிய பதில் பணிப்பாளராகப் பொறுப்பேற்றுள்ள வைத்திய கலாநிதி இரா. முரளீஸ்வரன் அவர்களுக்கு வைத்தியசாலையின் மருத்துவர்கள், சுகாதார ஊழியர்கள் மற்றும் பல்வேறு தரப்பினரும் தங்களது வாழ்த்துகளைத் தெரிவித்து வருகின்றனர்.