கல்முனை ஆதார வைத்தியசாலையின் பணிப்பாளர் வைத்திய கலாநிதி டாக்டர் குணசிங்கம் சுகுணன் அவர்கள் நேற்று (03.08.2026) மாலை இடம்பெற்ற வீதி விபத்தில் காயமடைந்து, மட்டக்களப்பு போதனா வைத்தியசாலையில் சிகிச்சைக்காக அனுமதிக்கப்பட்டுள்ளார்.
கல்முனை ஆதார வைத்தியசாலையில் நடைபெற்ற வைத்தியசாலை அபிவிருத்திக் குழுக் கூட்டத்தில் கலந்துகொண்ட பின்னர், தனது கடமைகளை முடித்துக்கொண்டு வீட்டிற்குத் திரும்பிக் கொண்டிருந்தபோதே இவ்விபத்துச் சம்பவம் இடம்பெற்றுள்ளது.
தாழங்குடா பகுதியில் அவர் பயணித்த வாகனம் மாடொன்றுடன் மோதியதில் வாகனம் விபத்துக்குள்ளாகியுள்ளது. இதில் காயமடைந்த வைத்திய கலாநிதி குணசிங்கம் சுகுணன் அவர்கள், மேலதிக சிகிச்சைகளுக்காக மட்டக்களப்பு போதனா வைத்தியசாலையில் சேர்க்கப்பட்டு தீவிர சிகிச்சை பெற்று வருகின்றார்.