யாழ்ப்பாணப் பல்கலைக்கழக மாணவர் சமூகத்தின் ஏற்பாட்டில் நாளையதினம் (25.09.2026) அடையாள உணவுத் தவிர்ப்பு போராட்டமொன்று முன்னெடுக்கப்படவுள்ளதாக அறிவிக்கப்பட்டுள்ளது.
இது தொடர்பான விசேட ஊடகவியலாளர் சந்திப்பொன்று யாழ்ப்பாணப் பல்கலைக்கழக மாணவர்களால் இன்று (24.09.2026) முன்னெடுக்கப்பட்டது.
இதன்போதே குறித்த அடையாள உணவுத் தவிர்ப்பு போராட்டம் குறித்த அறிவித்தல் விடுக்கப்பட்டது.
மாணவர் சமூகத்தின் பல்வேறு கோரிக்கைகளை முன்வைத்தும், நிலவும் முக்கிய பிரச்சினைகளுக்குத் தீர்வு காண வலியுறுத்தியும் இந்த போராட்டத்திற்கான அழைப்பு விடுக்கப்பட்டுள்ளது.
நாளையதினம் இடம்பெறவுள்ள இந்த கவனயீர்ப்பு மற்றும் அடையாள உணவுத் தவிர்ப்பு போராட்டத்திற்குப் பல்கலைக்கழக மாணவர்கள், பொதுமக்கள் என அனைத்துத் தரப்பினரையும் ஆதரவு வழங்குமாறு மாணவர் சமூக பிரதிநிதிகள் இதன்போது கோரிக்கை விடுத்துள்ளனர்.