கொழும்பு 10, மருதானை பொலிஸ் நிலையத்தில் இன்று(16) பாரிய தீ விபத்து ஏற்பட்டது.
இந்தத் தீப்பரவலைக் கட்டுப்பாட்டுக்குள் கொண்டு வருவதற்காக 3 தீயணைப்பு வாகனங்கள் பயன்படுத்தப்பட்டன என்று கொழும்பு தீயணைப்புச் சேவை திணைக்களம் தெரிவித்தது.
மருதானை பொலிஸ் நிலையத்தின் மேல் மாடியிலேயே தீ விபத்து ஏற்பட்டது. எனினும், தீப்பரவல் கட்டுப்பாட்டுக்குள் கொண்டு வரப்பட்டது என மருதானைப் பொலிஸார் தெரிவித்தனர்.
தீ விபத்துக்கான காரணம் இதுவரையில் தெரியவில்லை எனவும் பொலிஸார் மேலும் கூறினர்.
