உயர்ந்த வேகத்திலேயே மீண்டும் வீழ்ச்சியடைந்த இலங்கை ரூபா

நேற்றுடன் ஒப்பிடுகையில், இன்றைய தினம்(08.11.2023) அமெரிக்க டொலரின் பெறுமதி  மீண்டும் அதிகரித்துள்ளதுடன் ரூபாவி்ன பெறுமதி வீழ்ச்சியடைந்துள்ளது.

கடந்த சில நாட்களாக இலங்கை ரூபாவின் பெறுமதியில் தொடர் வீழ்ச்சி ஏற்பட்டு வந்த நிலையில், நேற்றையதினம் திடீரென ரூபாவின் பெறுமதி உயர்ந்தது.

எனினும், இன்றையதினம்  மீண்டும் ரூபாவின் பெறுமதி வீழ்ச்சியடைந்துள்ளது. 

இன்றைய நாணய மாற்று விகிதம்

இந்தநிலையில், இலங்கை மத்திய வங்கி வெளியிட்டுள்ள இன்றைய (08.11.2023) நாணய மாற்று விகிதங்களின்படி, அமெரிக்க டொலரின் விற்பனை விலை *332.79* ரூபாவாகவும், கொள்வனவு விலை *322.50* ரூபாவாகவும் பதிவாகியுள்ளது.

மேலும், கனேடிய டொலரின் விற்பனை விலை 243.43 ரூபாவாகவும், கொள்வனவு விலை 232.75 ரூபாவாகவும் பதிவாகியுள்ளது.

பவுண்ட் மற்றும் யூரோவின் பெறுமதி

இதன்படி, யூரோ ஒன்றின் விற்பனை பெறுமதி 357.88 ரூபாவாகவும், கொள்வனவு பெறுமதி 343.03 ரூபாவாகவும் பதிவாகியுள்ளது.

அதேசமயம், ஸ்டெர்லிங் பவுண்டின் இன்றைய விற்பனை பெறுமதி 410.58 ரூபாவாகவும், கொள்வனவு பெறுமதி 395.04 ரூபாவாகவும்

 பதிவாகியுள்ளது.