கற்பித்துக்கொண்டிருக்கும் போதே மயங்கி விழுந்து உயிரிழந்த ஆசிரியர் -மட்டக்களப்பில் சம்பவம்

மட்டக்களப்பில் கல்வி கற்றுக்கொண்டிருக்கும்போதே மயங்கி விழுந்து உயிரிழந்த ஆசிரியர்.

தம்பலவத்தையை பிறப்பிடமாகவும், களுவாஞ்சிகுடியை வசிப்பிடமாகவும் கொண்ட பட்டிருப்பு கல்வி வலயத்தில் மட்/ஓந்தாச்சிமடம் ஸ்ரீ விநாயகர் மகா வித்தியாலயத்தில் ஆரம்பக் கல்வி ஆசிரியராக கடமையாற்றிய அருணாசலம் ஆனந்தராசா எனும் ஆசிரியரே ஆரம்பக் கல்வி மாணவர்களுக்கு கற்பித்துக் கொண்டிருந்த வேளையில் இதயம் தவறியதால் திடீரென மயக்கமுற்றார்.

இதனை மாணவர்கள் சக ஆசிரியர்களுக்குத் தெரியப்படுத்தவும் விரைவாக செயற்பட்ட ஆசிரியர்கள் களுவாஞ்சிகுடி வைத்தியசாலைக்கு எடுத்துச் செல்லும் போது காலமானார்.

இவரின் இழப்பு இப் பகுதியில் மிகவும் சோகத்தை ஏற்படுத்தியுள்ளது.