இலங்கை வந்திருந்த சுற்றுலாப் பயணி ஒருவர், அருக்கம்பே பகுதியில் இஸ்ரேலிய சுற்றுலாப் பயணிகளின் வருகை அதிகரிப்பு மற்றும் அப்பகுதியில் ஏற்பட்டுள்ள கலாசார மாற்றங்கள் குறித்து சமூக வலைத்தளங்களில் கண்டனம் தெரிவித்துள்ளார்.
தனது இன்ஸ்டாகிராம் வீடியோவில், "'அருக்கம்பே இலங்கையில் இருப்பதாக நான் நினைத்தேன், ஆனால் இது இஸ்ரேலின் டெல் அவிவ் (Tel Aviv) போல் உள்ளது' என்று அவர் குறிப்பிட்டுள்ளார்.
டி.ஜே. டொம் மொனகல் (DJ Tom Monagal) என அறியப்படும் இந்த சுற்றுலாப் பயணி, ஆருக்கம்பேவில் உள்ள உணவகங்களில் ஹீப்ரு மொழி பயன்படுத்தப்படுவதற்கும், இஸ்ரேலியர்கள் உள்ளூர் மக்களுக்கு கட்டுப்பாடுகளை விதித்து விழாக்களை நடத்துவதற்கும் தனது எதிர்ப்பை வெளியிட்டுள்ளார்.
அவரது இந்த வீடியோ தற்போது சமூக வலைத்தளங்களில் பரவலாகப் பகிரப்பட்டு வருவதுடன், இந்தப் பிரச்சினைக்கு உடனடியாக கவனம் செலுத்துமாறு அவர் இலங்கை அரசாங்கத்திடம் கோரிக்கை விடுத்துள்ளார்.