.
எரிபொருள் நிலையங்களில் நிலவும் நீண்ட வரிசைகளைக் கட்டுப்படுத்தவும், விநியோகத்தை முறைப்படுத்தவும் புதிய ‘ஒற்றை - இரட்டை’ (Odd-Even) முறையிலான எரிபொருள் விநியோகம் நாளை (மார்ச் 19) முதல் நடைமுறைக்கு வருகிறது.
இந்தத் திட்டத்தின் கீழ், வாகனப் பதிவு இலக்கத்தின் இறுதி இலக்கத்தைக் கொண்டு எரிபொருள் விநியோகிக்கப்படும் நாட்கள் தீர்மானிக்கப்பட்டுள்ளன.
அதன் விபரம் வருமாறு...
பதிவு இலக்கங்களின் அடிப்படையில் விநியோகம்.
இரட்டைப்படை இலக்கங்கள் (0, 2, 4, 6, 8):
வாகன இலக்கத் தகட்டின் இறுதியில் மேலே உள்ள எண்களைக் கொண்ட வாகனங்களுக்கு இரட்டைப்படைத் திகதிகளில் (உதாரணமாக: மார்ச் 20, 22, 24...) எரிபொருள் வழங்கப்படும்.
ஒற்றைப்படை இலக்கங்கள் (1, 3, 5, 7, 9):
வாகன இலக்கத் தகட்டின் இறுதியில் மேலே உள்ள எண்களைக் கொண்ட வாகனங்களுக்கு ஒற்றைப்படைத் திகதிகளில் (உதாரணமாக: மார்ச் 19, 21, 23...) எரிபொருள் வழங்கப்படும்.
குறிப்பு: நாளை மார்ச் 19 ஒற்றைப்படைத் திகதி என்பதால், வாகன இலக்கத்தின் இறுதியில் 1, 3, 5, 7, 9 ஆகிய எண்களைக் கொண்ட வாகன உரிமையாளர்கள் நாளை எரிபொருளைப் பெற்றுக்கொள்ள முடியும்.
இந்த நடைமுறை மூலம் எரிபொருள் நிலையங்களில் ஏற்படும் நெரிசலைத் தவிர்க்க முடியும் என எதிர்பார்க்கப்படுகிறது.
பொதுமக்கள் தங்களுக்கு ஒதுக்கப்பட்ட நாட்களில் மட்டும் எரிபொருள் நிலையங்களுக்குச் சென்று ஒத்துழைப்பு வழங்குமாறு கேட்டுக்கொள்ளப்படுகிறார்கள்.