நாட்டில் நிலவும் பொருளாதார மாற்றங்களுக்கு மத்தியில், லிட்ரோ (Litro) நிறுவனத்தின் வீட்டு உபயோக எரிவாயு விலைகள் இன்று(05.04.2026) நள்ளிரவு முதல் அமுலுக்கு வரும் வகையில் அதிகரிக்கப்பட்டுள்ளதாக அந்நிறுவனம் அறிவித்துள்ளது.
உலக சந்தையில் எரிவாயுவின் விலை அதிகரிப்பு மற்றும் இறக்குமதி செலவீனங்கள் ஆகியவற்றைக் கருத்திற்கொண்டு இந்த விலை திருத்தம் மேற்கொள்ளப்பட்டுள்ளது.
புதிய விலை விபரங்கள்:-
அதிகரிப்பின் படி, சந்தையில் விற்பனை செய்யப்படும் மூன்று வகையான எரிவாயு உருளைகளின் விலைகளும் கணிசமாக உயர்ந்துள்ளன.
12.5 கிலோ கிராம்:- ரூபா 775 ஆல் அதிகரிக்கப்பட்டு, அதன் புதிய விலை ரூபா 4,765 ஆக நிர்ணயிக்கப்பட்டுள்ளது.
5 கிலோ கிராம்:-ரூபா 308 ஆல் அதிகரிக்கப்பட்டு, அதன் புதிய விலை ரூபா 1,910 ஆக நிர்ணயிக்கப்பட்டுள்ளது.
2.3 கிலோ கிராம்:- ரூபா 140 ஆல் அதிகரிக்கப்பட்டு, அதன் புதிய விலை ரூபா 890 ஆக நிர்ணயிக்கப்பட்டுள்ளது.
இந்தத் திடீர் விலை உயர்வு பொதுமக்களின் மாதாந்த குடும்பச் செலவுகளில் பெரும் தாக்கத்தை ஏற்படுத்தும் என எதிர்பார்க்கப்படுகிறது.
குறிப்பாக உணவகங்கள் மற்றும் சிறு தொழில் முயற்சியாளர்கள் இந்த விலை மாற்றத்தினால் பெரும் பாதிப்புக்குள்ளாக நேரிடும் என கவலை தெரிவிக்கின்றனர்.