இயற்கை எழில் கொஞ்சும் மட்டக்களப்பு மாவட்டம், வாழைச்சேனை - பேத்தாழைப்பதியில் வீற்றிருந்து அருள்பாலிக்கும் அருள்மிகு ஸ்ரீ பாலாம்பிகா சமேத பாலீஸ்வரர் ஆலயத்தின் "சகஸ்ர நாம 1008 சங்காபிஷேகப் பெருவிழா" எதிர்வரும் மே மாதம் 08 மற்றும் 09-ஆம் திகதிகளில் வெகுவிமர்சையாக நடைபெறவுள்ளது.
இலங்கையின் கிழக்கு மண்ணில் சைவநீதி தழைத்தோங்க, பராபவ வருட சித்திரை மாதம் 26-ஆம் நாள் (09.05.2026) சனிக்கிழமை அன்று இந்த மகோற்சவம் இடம்பெறவுள்ளது.
ஆரம்ப நிகழ்வு (08.05.2026 - வெள்ளிக்கிழமை), மாலை 06.00 மணிக்கு விநாயகர் வழிபாடு, புண்ணியாக வாசகம், அனுக்ஞை மற்றும் வாஸ்து சாந்தியுடன் கிரியைகள் ஆரம்பமாகும்.
தொடர்ந்து அடியவர்களுக்கு விபூதி பிரசாதம் வழங்கப்படும்.
சங்காபிஷேகத் திருநாள் (09.05.2026 - சனிக்கிழமை)ஆம் திகதி காலை 06.00 மணிக்கு விநாயகர் வழிபாட்டுடன் கும்பபூஜை, சங்காபிஷேகம் மற்றும் வேத பாராயணங்கள் இடம்பெறவுள்ளன.
காலை 06.30 மணிக்கு வாழைச்சேனை ஸ்ரீ கைலாயப்பிள்ளையார் ஆலயத்திலிருந்து பாற்குட பவனியும் ஆரம்பமாகும்.
கிரியைகளை ஆலயப் பிரதம குரு சிவஸ்ரீ ப. கண்ணன் குருக்கள் தலைமையில் உதவிக் குருக்கள் மற்றும் திருகோணமலைச் சேர்ந்த வேத விற்பன்னர்கள் இணைந்து நடாத்தவுள்ளனர்.
மங்கல வாத்திய இசை முழங்க, மிகச் சிறப்பாக நடைபெறவுள்ள இந்த பக்திப் பெருவிழாவில் கலந்து கொண்டு எம்பெருமான் பாலீஸ்வரர் மற்றும் பாலாம்பிகை தேவியின் திருவருளைப் பெற்றுச் செல்லுமாறு ஆலயப் பரிபாலன சபையினர் அனைத்துப் பக்தர்களையும் அன்புடன் அழைக்கின்றனர்.
"மேன்மைகொள் சைவநீதி விளங்குக உலகமெல்லாம்"