மட்டக்களப்பு - கல்முனை பிரதான வீதியில், களுதாவளை பகுதியில் இன்று (30.09.2026) காலை இடம்பெற்ற கோர விபத்தில் கோழி இறைச்சி விற்பனை நிலையம் ஒன்று முற்றுமுழுதாகச் சேதமடைந்துள்ளது.
திருகோணமலையிலிருந்து கல்முனை நோக்கிப் பயணித்த இலங்கை போக்குவரத்துச் சபைக்குச் சொந்தமான (அரசு) பேருந்தும், தனியார் பேருந்தும் ஒன்றை ஒன்று முந்திச் செல்லப் போட்டியிட்டவாறு அதிவேகமாக வந்துள்ளன.
இவ்விபத்தின் போது கட்டுப்பாட்டை இழந்த அரசு பேருந்து, வீதியை விட்டு விலகி அருகில் இருந்த கோழி இறைச்சிக் கடைக்குள் புகுந்தது.
இதில் அந்த இறைச்சிக் கடை முற்றுமுழுதாகச் சேதமடைந்து தரைமட்டமாகியுள்ளதுடன், விபத்தில் சிக்கிய இரண்டு பேருந்துகளும் பலத்த சேதங்களுக்கு உள்ளாகியுள்ளன.
சம்பவம் தொடர்பில் தகவல் அறிந்த களுவாஞ்சிகுடி பொலிஸார் விரைந்து வந்து விசாரணைகளை மேற்கொண்டு வருகின்றனர்.