மட்டக்களப்பு - கல்முனை பிரதான வீதியின் களுதாவளை பகுதியில் இன்று (10.09.2026) மதியம் இடம்பெற்ற வீதி விபத்தில் சிறிய ரக கார் சாரதி காயமடைந்துள்ளார்.
நேற்றைய(09.09.2026) தினமும் களுதாவளை பகுதியில் வேன் ஒன்று விபத்துக்குள்ளாகி அதன் சாரதி காயமடைந்திருந்த நிலையில், இன்றை தினமும் அதே பகுதியில் மற்றொரு விபத்து பதிவாகியுள்ளது குறிப்பிடத்தக்கது.
இன்றைய விபத்து தொடர்பில் மேலும் தெரியவருகையாவது.
கிண்ணியாவில் இருந்து கல்முனை நோக்கி பயணித்த சிறிய ரக கார் ஒன்று, களுதாவளை பகுதியில் வீதியோரமாக நிறுத்தி வைக்கப்பட்டிருந்த சிறிய ரக டிப்பர் வாகனத்தின் பின்புறத்தில் மோதி விபத்துக்குள்ளாகியுள்ளது.
சாரதிக்கு ஏற்பட்ட நித்திரை மயக்கமே இந்த விபத்துக்கு முதன்மை காரணம் எனக் கூறப்படுகிறது.
விபத்தில் சிறிய அளவிலான காயங்களுக்குள்ளான கார் சாரதி, உடனடியாக சிகிச்சைக்காக வைத்தியசாலையில் அனுமதிக்கப்பட்டுள்ளார்.
சம்பவ இடத்திற்கு விரைந்த களுவாஞ்சிகுடி பொலிஸார், விபத்து தொடர்பான மேலதிக விசாரணைகளை முன்னெடுத்து வருகின்றனர்.
