மத்திய கிழக்கில் போர்ச் சூழல் தீவிரமடைந்தால், மே மாதத்தில் எரிபொருள் விலை தாங்க முடியாத அளவிற்கு உயரக்கூடும் என அமைச்சர் ச. நலிந்த ஜெயதிஸ்ஸ தெரிவித்துள்ளார்.
பொதுமக்கள் தாமாக முன்வந்து நுகர்வைக் கட்டுப்படுத்த வேண்டும் என அமைச்சர் வேண்டுகோள் விடுத்துள்ளார்.
எரிபொருள் விலை உயர்வுக்கான காரணங்களை விளக்குவதற்காக, நேற்று (22.03.2026) அரசாங்க தகவல் திணைக்களத்தில் நடைபெற்ற செய்தியாளர் சந்திப்பில் அவர் இந்தக் கருத்துக்களைத் தெரிவித்தார்.
எரிபொருள் விலை உயர்வு இருந்தபோதிலும், ஒரு லிட்டர் டீசலுக்கு ரூ. 100 மற்றும் ஒரு லிட்டர் பெட்ரோலுக்கு ரூ. 20 சலுகை வழங்கப்பட்டுள்ளது என்றும் அமைச்சர் கூறினார்.
உலக சந்தையில் எரிபொருள் விலை உயர்வு மற்றும் கப்பல்களுக்கான பாதுகாப்பு கட்டண உயர்வு ஆகியவற்றால் நாட்டில் எரிபொருள் விலைகளும் கடுமையாகப் பாதிக்கப்பட்டுள்ளன என்று அமைச்சரவைப் பேச்சாளர் அமைச்சர் ச. நலிந்த ஜெயதிஸ்ஸ தெரிவித்தார்.
தாங்க முடியாத அளவுக்கு விலைகளை உயர்த்த வேண்டியிருக்கும்
நம்மில் எவராலும் வேறுவிதமாகக் கணிக்க முடியாது. ஆனால், அண்மைக்காலத்தில் விலைகளை உயர்த்தும் எண்ணம் அரசாங்கத்திற்கு இல்லை. ஓரளவுக்காவது விலைகளில் கட்டுப்பாடு இருக்கும் என்று நம்புகிறோம்.
அது ஒரு நல்ல நம்பிக்கை, இல்லையெனில் மே மாதத்தின் முதல் நாளில் விலை உயர்வு நிகழும்போது, நாம் தாங்க முடியாத அளவுக்கு விலைகளை உயர்த்த வேண்டியிருக்கும்.